Ails
ⵥⵥⵥⵥⵥⵥⵥⵥⵥⵥⵥⵥⵥⵥⵥ 1) Tamaziɣt: ⵜⵉⵙⴽⴻⵔⵜ | ⵜⵉⵛⵛⴻⵔⵜ // tiskert-tiskret | ticcert Sc: Allium sativum Fr: ail commun ou ail cultivé Ar: الثوم المزروع Famille / Tawacult : Amaryllidacées (Amaryllidaceae) ⵜⵉⵙⴽⴻⵔⵜ ⵜⴳⴰ ⵢⴰⵏ ⵉⵎⵖⵉ ⵏⵏⴰ ⵏⵛⴻⵜⵜⴰ, ⴰⵔ ⵜⵏⵜⴻⴳⴳⴰ ⵉ ⵜⵉⵔⴰⵎ ⵏⵏⴻⵖ, ⵜⴻⵟⵟⴰⴼ ⵢⴰⵏ ⵡⴰⴹⵓ ⴷ ⵜⴹⴼⵉ ⵉⵊⵀⴷⴻⵏ ⴰⵟⵟⴰⵚ. ⴰⵥⵓⵔ ⵏⵏⴻⵙ ⵢⴰⵖⵓⵍ ⵙ ⵜⵓⵥⵥⵓⵎⵜ ⵏ ⴰⵙⵢⴰ, ⴽⴽⴰⵏ ⵜ ⵉⵏⵏ ⵎⵉⴷⴷⴻⵏ ⵏ ⵢⵉⵍⵍ ⴰⴳⵔⴰⴽⴰⵍ ⵉⵇⴱⵓⵔⵏ ⵏ 5000 ⵉⵙⴻⴳⴳⵯⴰⵙⵏ ⴰⵢⴰ ⴰⵔ ⵜⴻⵙⵙⴻⵎⵔⴰⵙⵏ, ⵙⵍⴰⵡⴰⵏ ⴰⴽⵯ ⵖ ⵜⵎⴰⵣⵉⵔⵜ ⵏ ⵎⵉⵙⵔⴰ. ⵜⵍⴰ ⴰⵜⵉⴳ ⴷⴰⵔ ⵎⵉⴷⴷⴻⵏ ⴰⴽⵯ ⴳ ⵓⵎⴰⴹⴰⵍ ⴰⵛⴽⵓ ⴷⴰ ⵜⴻⵙⴼⴰⵍⴽⴰⵢ ⵜⵉⵔⴻⵎ ⴷ ⵜⴻⵥⴹⴰⵔ ⴰⴷ ⵜⴻⴳ ⴰⵡⴷ ⴰⵙⴰⴼⴰⵔ ⵖ ⴽⵔⴰ ⵏ ⵜⵉⴽⴽⴰⵍ. ⵜⵉⵙⴽⴻⵔⵜ ⵜⴳⴰ ⵢⴰⵏ ⵉⵎⵖⵉ ⵍⵍⵉ ⵉⵜⵜⵣⴻⴳⵣⴰⵡⵏ ⵎⴰ ⵢⵍⴰ ⵓⵙⴻⴳⴳⵯⴰⵙ, ⴰⵔ ⵜⴻⵙⴽⴰⵔ ⵢⴰⵜ ⵜⵥⴰⵍⵉⵎⵜ ⵉⵎⴻⵥⵥⵉⵢⵏ, ⵉⴼⵔⴰⵡⵏ ⵏⵏⴻⵙ ⴰⵔ ⴷ ⵜⴻⴼⴼⴻⵖⴻⵏ ⵖ ⵉⵣⴷⴰⵔ ⵏ ⵓⵖⴰⵏⵉⵍ, ⴰⵔ ⵍⴽⴽⴻⵎⵏ ⴰⵔ 12 ⵏ ⵉⴷ ⵙⴰⵏⵜⵉⵎ ⵖ ⵜⴰⵖⵣⵉ. ⵉⴷⴻⵊⵊⵉⴳⵏ ⵏⵏⴻⵙ ⴰⵔ ⵜⵎⵓⵏⴻⵏ ⵙⴽⴻⵔⵏ ⴰⵛⴰⵍⴰⵛ, ⵎⴻⵍⵍⵓⵏ ⵏⴻⵖ ⴳⴰⵏ ⵉⵣⵡⵉⵡⵉⵖⵏ, ⴰⵔ ⴷ ⵜⴻⴼⴼⴻⵖⵏ ⵖ ⵓⵏⴻⴱⴷⵓ. ⵜⴰⵇⵇⴰⵢⵜ ⵜⴳⴰ ⵢⴰⵜ ⵍⴻⵅⴻⵏⵛⵜ ⵉⵎⴻⵥⵥⵉⵢⵏ ⴷⴰⵔ 3 ⵉⴷⴻⴳⴼⴰⵏ ⵓⵔ ⴰⵔ ⴱⴰⵀⵔⴰ ⵜⴻⵙⵎⵖⴰⵢ (ⵓⵔ ⵜⴳⵉ ⴰⵎⵓⴷ). ⵉⵣⴷⴰⵔ ⵏ ⵓⵖⴰⵏⵉⵎ ⵉⴳⴰ ⵢⴰⵏ ⵓⵇⴻⵍⵍⴰ ⵍⵍⵉ ⵢⴰⴽⴽⴰⵏ 3 ⵡⴰⵙⴽⴰⵡⵏ ⵉⴽⵯⵏⴰⵏ. ⴰⵔ ⵜⴻⵏ ⵏ,ⴻⴳⴳⴻⵔ ⵖ ⵢⵓⵍⵢⵓⵣ ⴷ ⵖⵓⵛⵜ, ⴰⴼⴰⴷ ⴰⴳⵉⵙⵏ ⵏⴹⵉ ⵜⴰⵇⵇⴰⵢⵜ ⵏ ⵜⵉⵙⴽⴻⵔⵜ. Tis