Caroubier
ⵥⵥⵥⵥⵥⵥⵥⵥⵥⵥⵥⵥⵥⵥ
Tamaziɣit : ⵜⵉⴽⵉⴹ | ⵜⵉⴽⵉⴹⴰ | ⵜⵉⴽⵉⴹⵓⵜ | ⵜⴰⵙⵍⵖⵡⴰ | ⵜⵉⵛⵉⵟⵟ // tkiḍa | tikiḍ | takiḍut | tasliɣwa | ticiṭṭ
Sc : Ceratonia siliqua
Fr: Caroubier
Ar : الخروب
Tawacult / Famille : Fabacées (Fabaceae) ou Légumineuses
azday n ufidyu / Lien du vidéo
ⵜⴳⴰ ⵜⵉⴽⴹ ⵢⴰⵏ ⵡⴰⴷⴷⴰⴳ ⵍⵍⵉ ⵢⴰⵇⵍⴰⵢⵏ ⴰⵔ ⵉⴳⴳ ⵏ 10 ⵏ ⵉⴷ ⵎⵉⵜⵔⵓ ⵖ ⵜⵉⴷⴷⵉ, ⵢⵉⵍⵉ ⴷⴰⵔⵙ ⵢⴰⵏ ⵓⴳⴻⵊⵊⴰ ⵉⵎⴻⵇⵇⵓⵔⵏ ⵉⵎⵎⵓⵍⵥⵏ, ⵉⵍⵎⴻⵛ ⵏⵏⴻⵙ ⵉⴳⴰ ⴰⵡⵔⴰⵙ ⵉⵇⵇⵊⵕⴻⵏ, ⴷⴰ ⵢⴻⵜⵜⵉⴷⵉⵔ ⵡⴰⴷⴷⴰⴳ ⴰⴷ ⴰⵔ 500 ⵏ ⵓⵙⴻⴳⴳⵯⴰⵙ.
ⵉⴼⵔⴰⵡⵏ ⵏⵏⴻⵙ ⵎⴻⵇⵇⵓⵔⵏ ⴷⴰ ⵍⴻⴽⴽⴻⵎⵏ ⴰⵔ 12 ⵏ ⵉⴷ ⵙⴰⵏⵜⵉⵎ, ⵎⵢⴰⵏⵏⴰⵡⵏ, ⵣⵣⵉⴹⵕⴻⵏ, ⵉⵍⵉⵏ ⴳⵉⵙⵏ 5 ⵏ ⵜⵢⵓⴳⵉⵡⵉⵏ ⴳⵍⵓⵍⵍⵉⵏⵉⵏ ⵏ ⵜⴼⵔⴰⵡⵉⵏ ⵖ ⴽⵓⵏ ⴰⵊⴻⵏⵇⴻⵔ, ⵉⵇⵇⵓⵔⵏ ⵣⵓⵏⴷ ⵉⵍⵎ, ⵜⵜⵓⵖⵎⵓⵏ ⵙ ⵓⵣⴻⴳⵣⴰⵡ ⵉⴼⴻⵙⵙⵓⵙⵏ, ⴰⵔ ⴰⵣⴻⴳⴳⵯⴰⵖ ⵖ ⵜⴰⵎⴰ. ⴰⴷⴻⵊⵊⵉⴳ ⵏⵏⴻⵙ ⵉⵎⴻⵥⵥⵉⵢ, ⵢⵉⵍⵉ ⵖ ⵢⴰⵏ ⵍⴽⴰⵙ ⴰⵣⴻⴳⴳⵯⴰⵖ ⵉⴳⴰⵏ ⴰⵡⵍⵓⵍⵍⵓ, ⴰⵔ ⵜⴻⴼⴼⴻⵖⵏ ⵖ ⴽⵟⵓⴱⵕ. ⵜⴰⵇⵇⴰⵢⵜ ⴰⵔ ⴰⵙ ⵏⴻⵜⵜⵉⵏⵉ ⵜⵉⴽⵉⴹⴰ, ⵜⴳⴰ ⵣⵓⵏⴷ ⵉⵙⴽ, ⵜⴳ ⵜⴰⵣⴻⴳⵣⴰⵡⵜ ⵉⵖ ⵜⴻⵍⵥⴰ, ⵉⵖ ⵜⴻⵏⵡⴰ ⵜⴻⴳ ⵜⴰⵡⵔⴰⵙⵜ, ⵜⵉⵔⵡⵓⵙ ⵛⵛⴽⵯⵍⴰⵜ, ⵢⵉⵍⵉ ⴳⵉⵙ ⵡⴰⵎⵓⴷ ⵉⵇⵇⵓⵔⵏ ⵉⴳⵍⵓⵍⵍⵉⵏ, ⵉⴳⴰⵏ ⴰⵡⵔⴰⵙ.
Tga tikiḍ yan waddag lli yaqlayn ar iggi n 10 m ɣ tiddi, yili dars yan ugjja meqqurn immulẓn, ilmec nnes iga awras iqqjṛn, da yettidir waddag ad ar 500 n usggʷas. Ifrawn nnes mqqurn ar lekkmn ar 12 n is santim, myannawn, zziḍṛn, ilin gisn 5 tyugiwin glullinin n tfrawin ɣ kun ajneqr, qqurnin zund ilm, ttuɣmun s uzgzaw ifssusn, ar azggʷaɣ ɣ tama. Aǧǧig imẓẓiy, yili ɣ yan lkas (calice) azggʷaɣ igan awlullu, ar d tffeɣn ɣ ctubr. Taqqayt ar as nttini tikiḍa, tga zund isk, tg tazgzawt iɣ tlẓa, iɣ tnwa tg tawrast, tirwus cckʷlaṭ, yili gis wamud iqqurn iglullin, igan awras
ⵥⵥ Rar taɣḍft: Tlla " tikiḍ ", yili " ikiḍ ", gan s sin yan wanaw n waddagn mac mzarayn gratsn. Tikiḍ tga addag da iskarn agummu, ikiḍ iga addag da ur a iskarn agummu
Caroubier (= nom d’unité) : ⵜⴰⴽⵉⴹⵓⵜ-ⵜⵉⴽⴰⴹⵡⵉⵏ // takiḍut-tikaḍwin
Caroubier mâle : ⵉⴽⵉⴹⵓ-ⵉⴽⴰⴹⵉⵡⵏ // ikiḍu-ikaḍiwen
Commentaires
Enregistrer un commentaire